2024 / 1 / 12
ནུས་རྒྱུ་གསར་པའི་རླངས་འཁོར་ཞེས་པ་ནི་རྒྱུན་གཏན་མ་ཡིན་པའི་རླངས་འཁོར་གྱི་འབར་རྫས་སམ་ཡང་ན་སྒུལ་ཤུགས་འབྱུང་ཁུངས་དཔེར་ན།གློག་ཤུགས།ཆིང་འབར་རྫས་སོགས་སྤྱོད་པའམ་ཡང་ན་རྒྱུན་གཏན་གྱི་རླངས་འཁོར་འབར་རྫས་སྤྱོད་པ་མ་ཟད།སྒུལ་ནུས་གསར་པའི་ཚོད་འཛིན་དང་སྒུལ་ནུས་ལག་རྩལ་དང་ཟུང་འབྲེལ་བྱས་ནས་ལག་རྩལ་གསར་པ་དང་གྲུབ་ཆ་གསར་པ་ལྡན་པའི་རླངས་འཁོར་ལ་ཟེར། དེའི་ནང་ནུས་རྒྱུ་གསར་པའི་རླངས་འཁོར་ནང་གློག་སྒུལ་རླངས་འཁོར་དང་མཉམ་བསྲེས་སྒུལ་ཤུགས་རླངས་འཁོར་ཚུད་ཡོད་པ་རེད།
གློག་སྒུལ་རླངས་འཁོར་ལ་མཚོན་ན།དེའི་འཁོར་སྐྱོད་ནི་གློག་སྨན་ལ་བརྟེན་ནས་གློག་མཁོ་འདོན་བྱེད་པ་དང་།མཉམ་བསྲེས་སྒུལ་ཤུགས་རླངས་འཁོར་གྱིས་སྲོལ་རྒྱུན་གྱི་འབར་སྣུམ་སྒུལ་བྱེད་འཕྲུལ་འཁོར་དང་གློག་སྒུལ་འཕྲུལ་ཆས་ཀྱི་དགེ་མཚན་ཟུང་འབྲེལ་བྱས་ཡོད་པས།གཅིག་ནས་གློག་ཤུགས་ལ་བརྟེན་ནས་སྒུལ་ཆོག་ལ།གཉིས་ནས་འབར་སྣུམ་སྒུལ་བྱེད་འཕྲུལ་འཁོར་ལ་བརྟེན་ནས་སྒུལ་ཡང་ཆོག ནུས་རྒྱུ་གསར་པའི་རླངས་འཁོར་གང་འདྲ་ཞིག་ཉོ་རྒྱུ་གདམ་ག་བྱ་རྒྱུ་དེ་གཙོ་བོ་མི་སྒེར་གྱི་དགོས་མཁོ་དངོས་དང་འཚོ་བའི་ཁོར་ཡུག་ལ་རག་ལས་ཡོད། དཔེར་ན།གལ་ཏེ་ཁྱོད་རང་གྲོང་ཁྱེར་རིམ་པ་དང་པོ་དང་གཉིས་པར་བསྡད་ན།ཉེ་འཁོར་གྱི་གློག་གསོག་སྒྲིག་ཆས་ཅུང་སྟབས་བདེ་ཡིན་པའམ།ཡང་ན་རང་ཁྱིམ་གྱི་རླངས་འཁོར་འཇོག་ས་ཡོད་ཚེ་གློག་གསོག་ཤིང་བྱང་བུ་འཇོག་ཆོག་པ་མ་ཟད།ད་དུང་མྱུར་སྒྲུབ་ཀྱི་ཆོས་ཉིད་ལྡན་པས།གློག་སྒུལ་རླངས་འཁོར་འདེམ་པར་བསམ་བློ་བཏང་ཆོག
གཞན་ཡང་《ནུས་རྒྱུ་གསར་པའི་རླངས་འཁོར་ཐོན་ལས་འཕེལ་རྒྱས་འཆར་འགོད（2021ལོ་ནས་2035ལོའི་བར）》ནང་ནུས་རྒྱུ་གསར་པའི་རླངས་འཁོར་ནི་གནམ་གཤིས་འགྱུར་ལྡོག་ལ་ཁ་གཏད་གཅོག་པ་དང་ལྗང་མདོག་འཕེལ་རྒྱས་ལ་སྐུལ་འདེད་གཏོང་བའི་ཐབས་ལམ་གལ་ཆེན་ཞིག་ཡིན་མོད།འོན་ཀྱང་སྤུས་ཚད་འགན་ལེན་དང་།རྨང་གཞིའི་སྒྲིག་བཀོད་འཛུགས་སྐྲུན།ཁྲོམ་རའི་འགྲན་རྩོད་སོགས་ཀྱི་གནད་དོན་ཡང་འཕྲད་ཡོད། དེར་བརྟེན་ནུས་རྒྱུ་གསར་པའི་རླངས་འཁོར་གྱི་སྤུས་ཚད་ལྟ་སྐུལ་དོ་དམ་ལ་ཤུགས་སྣོན་བརྒྱབ་ནས་རྨང་གཞིའི་སྒྲིག་བཀོད་འཛུགས་སྐྲུན་བྱས་ཏེ་ནུས་རྒྱུ་གསར་པའི་རླངས་འཁོར་ལས་རིགས་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས།