2023 / 12 / 27
སྒྲིག་ལམ་ཞེས་པའི་ཐ་སྙད་འདིས་གོ་བ་ཟབ་ཤོས་ཤིག་བསྟན་ཡོད་པ། ཉེ་བའི་བོད་རྩོམ་ཁག་ནས་ཟ་ཟུར་ཏུ་མཐོང་རྒྱུ་འདུག དེབ་འདི་འདྲ་ཡིན་ན། འདི་ནི་སྒྲིག་ལམ་བརྗོད་གཞི་བྱས་པའི་བརྩམས་ཆོས་སྐད་གྲགས་ཅན་དང་རིན་ཐང་ཅན་ཞིག་ཡིན་ཏེ། རྩོམ་པ་པོས་ཨ་རིའི་མཉམ་འབྲེལ་མངའ་སྡེ་ཡི་ ད་ལྟའི་མངོན་པ་ དེ་ལ་ལོ་རྒྱུས་ཀྱི་ངོས་ནས་རྒྱུ་མཚན་བཙལ་ཡོད་པ་དང་། ཡ་ཧུ་དའི་སྐྱབས་འགྲོའི་ཁྱད་ཆོས། གྲྀ་སིའི་དཔྱོད་པ་སྨྲ་བ་དང་མང་གཙོའི་སྲོལ་རྒྱུན། རོམ་གྱི་དྲག་ཞེན་རིང་ལུགས་དང་དམག་སྟོབས། ཡེ་ཤི་ཆོས་ལུགས་ཀྱི་བཟང་སྤྱོད་དང་དབྱིན་ཇུའི་ཁྲིམས་ལུགས་ལྟ་བ། དེ་ནས་ཡེ་ཤི་དགོན་རྒོལ་གྲུབ་མཐའ་དང་མི་སེར་སྤེལ་མཁན་གྱི་སྙིང་སྟོབས་སོགས་ལ་རིམ་གྱིས་དབྱེ་ཞིབ་བྱས་ནས་ ཨ་རི་ དེ་ལྟ་དེ་ལྟར་དུ་ཆགས་ནས་ཡོད་པའི་ སྒྲིག་ལམ་གྱི་རྩ་བ་གསལ་འདོད་བྱས་ཡོད་འདུག དེ་བས་འདི་ནི་ཨ་རིའི་ལོ་རྒྱུས་ལྟ་གྲུབ་ཅིག་ཏུ་ཆགས་ཡོད་པ་དང་། རྩོམ་པ་པོས་དམིགས་བྱ་ཡང་། ཨ་རིའི་ལོ་རྒྱུས་ལ་འགྲེལ་བཤད་ཀྱིས་ནས་ཨ་རིའི་བྱ་སྤྱོད་དང་སྒྲིག་ལམ་ཕྱིར་འདོན་གྱི་དགོས་པ་ལ་ དགེ་མཚན་དང་ཆེ་བ་ བརྗོད་ཀྱིན་ཡོད་པ་རེད། དེ་བས་དེབ་འདི་ལས་ང་ཚོས་ཨ་རིའི་ལོ་རྒྱུས་ཀྱི་གསང་བའི་ལུགས་ཀྱི་མན་ངག་ཅིག་མཐོང་ཐུབ་པ་མ་ཟད། ད་དུང་ཨ་རིའི་སྙིང་སྟོབས་ཟེར་བའི་ད་ལྟའི་འཛམ་གླིང་འཁོར་ཕྱོགས་ལ་ཤུགས་རྐྱེན་བྱེད་བཞིན་པའི་ཆབ་སྲིད་འདུ་ཤེས་ཤིག་གི་ངོ་བོའང་རོབ་ཙམ་མཐོང་ཐུབ་རྒྱུ་རེད། ཡིན་ནའང་། ང་རང་གི་མཐོང་ཕྱོགས་ལ། བརྗོད་པ་འདི་ནི་འཆད་རྩོམ་གྱི་ཆ་ནས་རྩོམ་པ་པོ་ལ་ཡི་རངས་བྱེད་དགོས་ས་མང་པོ་ཡོད་རུང་། དེའི་དམིགས་པ་དང་ང་ཚོའི་མི་རིགས་ཀྱི་གནས་བབ་སོགས་ལ་འབྲེལ་ཏེ་བཤད་ན། དེབ་འདི་རུ་རྒྱབ་སྐྱོར་བྱས་ཡོད་པའི་ལྟ་བ་མང་པོ་ཞིག་ལ་དོགས་པ་བྱེད་དགོས་རྒྱུ་དང་། རན་མིན་ལྟ་དགོས་རྒྱུ་ཞིག་རེད་ལ། དེ་བཞིན། ང་ཚོས་དེབ་འདི་ལ་ལད་མོས་བྱས་པའི་རྒྱ་ཡིག་གི་དེབ་ཁག་གཅིག་ལའང་ཨ་གསར་དགོས་མིན་གྱི་དོགས་པ་སློང་ཐུབ་དགོས་རྒྱུ་རེད་དྲན། གང་ལྟར། དེབ་འདི་གསུམ་ལས་ རྩོམ་རྩལ་ཁོ་ནས་སྒང་ནས་བཤད་ན། འདི་ནི་ང་རང་གིས་ཆེས་ཡིད་སྨོན་བྱེད་ས་དེ་ཡིན་ནོ། །